செவ்வாய் ஆதிக்கத்தில் பிறந்த மேஷ ராசி அன்பர்களே,
உங்கள்
ராசிக்கு இந்த வருடம் கிரக சஞ்சாரங்கள்,
பார்வை,
சேர்க்கை ஆகியவற்றை பார்க்கும் பொழுது மனநிறைவும், மகிழ்ச்சியும்
உண்டாகும். உங்கள் வியூகங்கள், திட்டங்கள்
வெற்றி கரமாக நிறைவேறும். தன குடும்ப வாக்கு ஸ்தானத்தில் ராகுவும், அஷ்டம
ஸ்தானத்தில் கேதுவும் இருப்பதால் படபடப்பு,
மறதி,
கவனக்குறைவு,
மன உளைச்சல் உண்டாகும். ஆகையால் எதிலும் நிதானம், கவனம் தேவை.
கணவன், மனைவி இடையே
கருத்து வேறுபாடுகள் வர வாய்ப்புள்ளது. முக்கிய விஷயங்களில் குடும்பத்தினருடன்
கலந்து ஆலோசித்து முடிவெடுப்பது நலம் தரும். தை மாதம் சூரியன் நான்காம் வீட்டைப்
பார்ப்பதால் சொத்து விற்பது, வாங்குவது
சம்பந்தமாக நல்ல முடிவுகள் வரும்.
மாசி மாதம் சூரியன்
சொந்த வீட்டைப் பார்ப்பதால் மகளின் திருமண விஷயமாக நல்ல இடத்து சம்பந்தம் தேடி
வரும். சொந்த பந்தங்களின் உதவியுடன் திருமணத்தை மிகச் சிறப்பாக செய்து முடிப்பீர்கள்.
உங்கள் பாக்கிய ஸ்தானாதிபதி குரு பத்தாம் வீட்டில் சனியுடன் சேர்ந்து நீச்ச பங்க
ராஜ யோகத்தில் இருப்பதால் பூர்வீக சொத்து சம்பந்தமாக வாரிசுதாரர்களிடையே ஒருமித்த
கருத்தும், சுமுக
உடன்பாடும் உண்டாகும். குரு
இரண்டாம் வீட்டைப் பார்ப்பதால் கொடுக்கல் வாங்கலில் நின்று போன பெரிய தொகை அசல், வட்டியுடன்
வசூலாகும்.
உங்களை கண்டும்
காணாமல் இருந்த உறவுகள் உங்கள் உதவியை நாடி வருவார்கள். குரு சுகஸ்தானத்தை
பார்ப்பதால் நீண்ட நாட்களாக மருத்துவ சிகிச்சையில் இருப்பவர்கள் குணமடைவார்கள்.
பூமி பாக்கிய யோகம் காரணமாக புது வீடு கட்டுவதற்கான வாஸ்து பூமி பூஜை போடுவீர்கள்.
சனி பத்தாம் வீட்டில் ஆட்சி பலம் பெற்றுச் சஞ்சரிப்பதால் வெளிநாட்டில் வேலை
பார்ப்பவர்கள் பல காரணங்களுக்காக சொந்த ஊர் திரும்புவார்கள். சனி உத்திராட
நட்சத்திரத்தில் சஞ்சரிப்பதால் ஆட்சி,
அதிகாரத்தில் இருப்பவர்களின் அறிமுகம், ஆதரவு
கிடைக்கும். சனி ஏழாம் வீட்டைப் பார்ப்பதால் கூட்டுத் தொழில் செய்பவர்கள்
கூட்டிலிருந்து விலகி சுயமாக தொழில் தொடங்குவீர்கள்.
பெண்கள்:
நடக்குமா, நடக்காதா
என்று குழப்பத்தில் இருந்த விஷயங்கள் சாதகமாக
கூடி
வரும். இரண்டாம் இடத்து ராகு உங்களை
உணர்ச்சிவசப்பட வைப்பார். அதனால் சூழ்நிலைகளுக்கு ஏற்ப நடந்து கொள்வது உத்தமம்.
குருவின் திருவோண நட்சத்திர சஞ்சாரம் காரணமாக தாய் வீட்டில் இருந்து வர வேண்டிய
சொத்து, நகை, பணம் கைக்கு
வரும். வசதிக் குறைவான வீட்டில் இருந்து நல்ல வசதியான பெரிய பிளாட்டிற்கு இடம்
மாறுவீர்கள். மாமனார் மூலம் அலைச்சல்,
டென்ஷன்,
மருத்துவ செலவுகள் வந்து நீங்கும். சனி பார்வை
காரணமாக கர்ப்பமாக இருப்பவர்கள் உரிய கவனத்துடன் இருப்பது மிக மிக நல்லது.
உத்யோகஸ்தர்கள்:
உத்யோகத்தில்
சாதகமான நிலை இருக்கும்.
குரு பார்வை காரணமாக உங்கள் எதிர்பார்ப்புக்கள் நிறைவேறும். வெளிநாட்டில் வேலைக்கு
முயற்சித்தவர்களுக்கு நல்ல செய்தி வரும். சனி ஏழாம் வீட்டைப் பார்ப்பதால் சக
ஊழியர்களுடன் அனுசரணையாகப் போவது நலம் தரும். அலுவலக விஷயங்கள் பொதுப் பிரச்னைகள்
சம்பந்தமாக விவாதங்கள் வேண்டாம். பிப்ரவரி மாதத்திற்குள் பதவி உயர்வு சம்பந்தமாக
மகிழ்ச்சியான செய்தி வரும். வழக்கில் தொழில் செய்பவர்கள் அரசு வழக்கறிஞர்களாகவும், நீதிபதிகளாகவும்
பொறுப்பு ஏற்கும் யோகம் பாக்கியம் உள்ளது. விளையாட்டுத் துறை, காவல்
துறையில் பணி புரிபவர்கள் கௌரவிக்கப்படுவார்கள்.
அரசியல் -
கலைத்துறை:
பத்தாம் வீட்டில்
குரு, சனி இருவரும்
நீச்ச பங்க ராஜ யோகத்தில் இருப்பதால் தலைமைக்கு மிகவும் நெருக்கமாவீர்கள் மாநில
அளவில் பெரிய பொறுப்புக்கள் கிடைக்கும். தொலைக்காட்சி நெடுந்தொடர்களில்
நடிப்பதற்கு வாய்ப்புக்கள் கிடைக்கும்.
கவிஞர்கள் இசை அமைப்பாளர்கள் புகழ் அடைவார்கள்.
மூத்த கலைஞர்களின் சிபாரிசு ஆதரவு கிடைக்கும். வரவேண்டிய சம்பளப் பாக்கிகள்
பிப்ரவரி மாதத்திற்குள் வசூலாகும்.
தொழில் -
வியாபாரம் - விவசாயம் :
தொழில் ஸ்தானத்தில்
குரு, சனி இருவரும்
பலமாக இருப்பதால் வியாபாரம் சீராக இருக்கும். வியாபார சம்பந்தமான வெளி மாநில
மாவட்ட பயணங்கள் லாபகரமாக அமையும். தன ஸ்தானத்தை குரு பார்ப்பதால் வர வேண்டிய கடன், பாக்கிகள்
வசூலாகும். ரியல் எஸ்டேட் கட்டுமான தொழில்கள் முன்னேற்றம் உண்டு. விற்காமல்
இருக்கும் பிளாட்டுக்கள் மார்ச் மாதத்தில் இருந்து விற்க ஆரம்பிக்கும். சனி பார்வை
காரணமாக கூட்டுத் தொழில் செய்பவர்கள் இடையே பிரச்னைகள், பிரிவுகள்
வரும். தங்கம், வெள்ளி, இமிடேசன்
நகைகள், பேன்ஸி ஸ்டோர், விவசாயத்தில்
விளைச்சல் அதிகரிக்கும். நெல், கரும்பு, மஞ்சள், சோளம் வகையில்
நல்ல லாபம் பார்க்கலாம். நான்காம் வீட்டை குரு பார்ப்பதால் நிலம் தோட்டம், தண்ணீர் பிரச்னை
தீரும். புதிய மாந்தோப்பு, தென்னந்தோப்பு
வாங்கும் பாக்கியம் உள்ளது.
பரிகாரம் :
செவ்வாய்க்கிழமை, கிருத்திகை, சஷ்டி அன்று
முருகப் பெருமாளுக்கு அபிஷேகம் அர்ச்சனை செய்து வழிபடலாம். ஞாயிற்றுக் கிழமை ராகு
காலத்தில் சரபேஸ்வரரை தரிசிக்கலாம். வீட்டு வேலை செய்யும் ஏழைப் பெண்களுக்கு
உதவலாம்.
Tags : Tamil new year , Tamil puthandu , mesham , mesam ,
