சுக்கிரன் ஆதிக்கத்தில் பிறந்த ரிஷபராசி அன்பர்களே!
உங்கள்
ராசிக்கு இந்த வருடம் கிரக சஞ்சாரங்கள்,
பார்வை,
சேர்க்கை ஆகியவற்றை பார்க்கும்போது. வரவு, செலவு, நிறைகுறைகள், யோக, அவயோகங்கள்
எனக் கலவையான பலன்கள் இருக்கும். ராசியும்,
ஏழாம் இடமும் ராகு, கேதுவின் இருவரும் பிடியில்
இருப்பதால் டென்ஷன், மன
உளைச்சல் அவநம்பிக்கை உண்டாகும். விட்டுக் கொடுத்து போவதால் பிரச்னைகள் தீரும்.
கணவன், மனைவி இடையே
வாக்கு வாதங்கள், மனக்கசப்புக்கள்
இருக்கும்.
அல்லது இருவரில்
ஒருவருக்கு உடல் நலம் பாதிக்கப்பட வாய்ப்புள்ளது. வாகனம் ஓட்டும்போதும். பின்னால்
அமர்ந்து செல்லும்போது எச்சரிக்கையுடன் இருப்பது நல்லது. முடிந்தவரை காரில் இரவு
நேரப் பயணங்கள் வேண்டாம். சித்திரை மாதம் சூரியன் உச்சம் அடைவதால் சொத்து, விற்பது
வாங்குவது சம்பந்தமாக நல்ல முடிவுகள் வரும். எதிலும் அவசரம் வேண்டாம். ஆவணங்களை
நல்ல வழக்கறிஞரிடம் காட்டி அதன் பிறகு செயல்படவும்.
சனி பகவான் ஆட்சி
பலம் பெற்று உத்திராட நட்சத்திர சாரத்தில் செல்வதால் தந்தை வழி உறவுகளால்
மகிழ்ச்சி, ஆதாயம்
உண்டு. வெளிநாட்டில் வேலை பார்ப்பவர்கள் வேறு நாட்டிற்கோ அல்லது சொந்த ஊருக்கோ
திரும்புவார்கள். சனி 6ஆம்
வீட்டை பார்ப்பதால் உங்களுக்கு நெருக்கமாக இருக்கும். உறவுகள், நண்பர்களின்
சுய ரூபத்தை தெரிந்து கொள்வீர்கள். குருவின் அமைப்பு காரணமாக ஆன்மிக நாட்டம்
அதிகரிக்கும். தசாபுக்தி யோகமாக இருப்பவர்கள் புதிய பிளாட் வாங்கி பால் காய்ச்சுவீர்கள்.
பெண்கள்:
ராகு, கேது இருவரின்
அமைப்பு காரணமாக
மன உளைச்சல், அடி
மனதில் ஒரு பலம் தோன்றி மறையும். வேலை செய்யும் இடத்தில் கவனமாக இருப்பது அவசியம்
தோழிகளுடன் அதிக நெருக்கம் வேண்டாம். பூர்வ புண்ணிய ஸ்தானத்தை குரு பார்ப்பதால்
நீண்ட நாட்களாக தடைப்பட்டு வந்த குழந்தை பாக்கியம் இப்போது கிடைக்கும். மாணவிகள்
கூடா நட்பை விட்டு விட்டு கல்வியில் கவனம் செலுத்துவது நல்லது. குரு, சந்திரன்
இருவரும் சம்பந்தம் காரணமாக தாய் வீட்டில் இருந்து வர வேண்டிய பாகப்பிரிவினை
சொத்து நிலமாகவோ, நகைகளாகவோ, பணமாகவோ
கைக்கு வரும். அவரவர் வயதிற்கேற்ப உடல் நலக்குறைபாடுகள் வரும் குறிப்பாக
கர்ப்பப்பை வயிறு, பித்தப்பை
கல், சிறுநீரக
தொற்று போன்ற உபாதைகள் வந்து போகும்.
உத்யோகஸ்தர்கள்:
குரு பார்வை காரணமாக
சாதகமான மாற்றங்கள் வரும். உத்திராட நட்சத்திரத்தில் குரு செல்வதால் அரசு
ஊழியர்களுக்கு இடமாற்றத்துடன் கூடிய பதவி உயர்வு கிடைக்கும். ராகு, கேது இருவரின்
அமைப்பு காரணமாக தொழிற் சங்கம், மன்றம், அமைப்பு
போன்றவற்றில் இருப்பவர்களுக்கு பிரச்னைகள் வரலாம். மே மாத வாக்கில் தற்காலிக
இடமாற்றம் இருக்கும். அதனால் அலைச்சல்,
செலவுகள்,
மன உளைச்சல் உண்டாகும். காசோலை உள்ளிட்ட முக்கிய
கடிதங்களை பாதுகாப்புடன் வைப்பது அவசியம்.
அரசியல்-கலைத்துறை:
சனி ஆறாம்
வீட்டையும், லாப
ஸ்தானத்தையும் பார்ப்பதால் மாநில அளவில் பதவி,
பொறுப்புக்கள் கிடைக்கும். வாரியம், கமிட்டியில்
உறுப்பினராக தேர்வு செய்யப்படுவீர்கள். கோஷ்டி பிரச்னைகள் இருந்தாலும் உங்கள்
வளர்ச்சியை பாதிக்காது. தொண்டர்களிடம் அனுசரணையாகப் போவது நல்லது. குருவின் பார்வை
காரணமாக M.L.A, M.Pக்களின்
தொடர்பு கிடைக்கும். அதன் காரணமாக அரசு விஷயங்கள் அனுகூலமாக முடியும்.
கலைத்துறையினருக்கு நிறைகுறைகள் இருக்கும். கேது அமைப்பு காரணமாக டென்ஷன், படபடப்பு
வந்து நீங்கும். படப்பிடிப்பு நடக்கும் இடங்களில் தான் உண்டு தன் வேலை உண்டு என்று
இருப்பது உத்தமம். வேற்று மொழிப் படங்களில் நடிக்க தேர்வு செய்யப்படுவீர்கள்.
தொழில் -
வியாபாரம் - விவசாயம்:
குரு, சனி இருவரின்
சேர்க்கை காரணமாக அதிர்ஷ்ட காற்று உங்களுக்கு சாதகமாக வீசும், எதிர்பார்த்த
அரசு காண்ட்ராக்ட் உங்களுக்கு கிடைக்கும். நல்ல அனுபவமிக்க வேலையாட்கள்
கிடைப்பார்கள். அதனால் உங்களுக்கு வேலைச்சுமை,
டென்ஷன் குறையும் குரு பார்வை காரணமாக
வியாபாரிகள் சங்கத்தில் முக்கியப் பதவி கிடைக்கும். பணம் கொடுக்கல் வாங்கலில்
சற்று விட்டுக் கொடுத்து போவது நல்லது. ராகு ,
கேது சஞ்சாரம் காரணமாக கூட்டுத் தொழிலில் சில
பிரச்னைகள், பிரிவுகள்
வரும். ரியல் எஸ்டேட், செங்கல், மணல், இரும்பு, ரசாயனம், எண்ணெய், பிரிண்டிங்
பிரஸ், பதிப்பகம்
போன்ற தொழில் செய்பவர்கள் நல்ல முன்னேற்றம் அடைவார்கள். விவசாயம் சீராக இருக்கும்.
வாழை கரும்பு, மஞ்சள்
சாகுபடியில் நல்ல லாபம் வரும். அந்தந்த பகுதியில் விளையும் காய் கறிகள் மூலம் நல்ல
ஆதாயம் வரும். குத்தகைக்கு எடுத்த நிலத்தில் நல்ல விளைச்சலும், விலையும்
கிடைக்கும். மரம் வெட்டிவிற்கும் தொழிலில் நாலுகாசு பார்க்கலாம். பக்கத்து
தோட்டக்காரரிடம் அனுசரணையாகப் போவது நல்லது. சித்திரை மாதத்திற்குள் புதிய தோட்டம், தோப்பு
வாங்கும் பாக்கியம் உள்ளது.
பரிகாரம்:
வெள்ளிக்கிழமை
துர்க்கை அம்மனுக்கு எலுமிச்சம் பழமாலை சாத்தி வழிபடலாம். புதன்கிழமை
சக்கரத்தாழ்வாரை தரிசிக்கலாம். பசுவிற்கு கீரை,
பழவகைகள் வாங்கித் தரலாம்.
Tags : Tamil new year , Tamil puthandu , rishabam , Vṛṣabha , resabam
