சந்திரன் ஆதிக்கத்தில் பிறந்த கடக
ராசி அன்பர்களே!
உங்கள்
ராசிக்கு இந்த வருடம் கிரக சஞ்சாரங்கள்,
பார்வை,
சேர்க்கை ஆகியவற்றைப் பார்க்கும்பொழுது உங்கள்
எண்ணங்கள், திட்டங்கள்
எல்லாம் நல்லபடியாக கூடிவரும். அதிர்ஷ்டக்காற்று உங்களுக்கு சாதகமாக வீசும்.
லாபஸ்தானத்தில் ராகு சஞ்சரிப்பதால் சொத்து சம்பந்தமான பிரச்னைகள் சுமுகமாக
முடியும். நீண்ட நாட்களாக விற்க முடியாமல் இருந்த நிலம் நல்ல விலைக்கு விற்கும்.
அதனால் கையில் பணம் புரளும். குடும்பத்தில் இருந்து வந்த இறுக்கமான சூழ்நிலைகள்
மாறும்.
குருவின் பார்வை
காரணமாக எதிர்பாராத மாற்றங்கள், உயர்வுகள்
உண்டாகும். வரவேண்டிய மிகப்பெரிய தொகை ஏப்ரல் மாதத்திற்குள் கைக்கு வரும். சனி
ஏழாம் வீட்டில் ஆட்சிப் பலம் பெற்று சஞ்சரிப்பதால் நிறை, குறைகள்
இருக்கும். பேரன், பேத்திகளுக்கு
முடி இறக்கி, காது
குத்துதல் போன்ற சுப விசேஷங்களை விமரிசையாகச் செய்து முடிப்பீர்கள். வாடகை
வீட்டில் இருப்பவர்கள் பல காரணங்களுக்காக வீடு மாறவேண்டி வரும். நல்ல வசதியான பிளாட்டிற்கு
இடம் மாறுவீர்கள்.
வீடுகட்ட
எதிர்பார்த்த அரசாங்க அனுமதி கைக்கு வரும். அதன் காரணமாக வாஸ்து பூமிபூஜை
போடுவதற்கான ஆரம்பகட்ட வேலைகளைத் தொடங்குவீர்கள். மாணவ, மாணவிகள்
கல்வியில் அதிக கவனம் செலுத்தி படிப்பது நலம் தரும். நண்பர்களின் சேர்க்கையை அறவே
தவிர்ப்பது நல்லது. உயர்கல்வி, ஆராய்ச்சிப்
படிப்பு சம்பந்தமாக வெளிநாடு சென்று படிக்கும் யோக அமைப்பு உள்ளது.
பெண்கள்:
சனி, குரு இருவரின்
பார்வை காரணமாக நிறை குறைகள் இருக்கும். குடும்பத்தில் அடுத்தடுத்து சுப
விசேஷங்கள் கூடிவரும். வேலைக்குச் செல்பவர்களுக்கு அலுவலகத்தில் சில சங்கடங்கள்
வரலாம். அக்கா, தங்கைகளிடையே
இருந்துவந்த மனக்கசப்புக்கள் மறையும். சந்தோஷமாக ஒன்றிணைவீர்கள். அரசு
அலுவலர்களுக்கு பதவி உயர்வுடன் கூடிய இடமாற்றம் கிடைக்கும். அதனால் வெளியூரில்
தங்க வேண்டிய சூழ்நிலைகள் உண்டாகும். சித்திரை மாதம் சில முக்கிய மாற்றங்கள்
வரும். தாய் வீட்டில் இருந்து பணம்,
நகைகள்,
இன்னும் பல உதவிகள் கிடைக்கும். வீட்டின் ஒரு
பகுதியை புதுப்பித்துக் கட்டுவீர்கள்.
உத்யோகஸ்தர்கள்:
தொட்டது துலங்கும், இயக்கம், அமைப்பு, தொழிற்சங்கம்
போன்ற அமைப்புகளில் இருப்பவர்களுக்கு கவுரவப் பதவிகள் கிடைக்கும். அரசு
ஊழியர்களுக்கு தற்காலிகமாக இடமாற்றம் இருக்கும். சனியின் பார்வை காரணமாக
வெளிநாட்டில் வேலை செய்பவர்கள் சொந்த ஊருக்குத் திரும்புவார்கள். அலுவலகத்தில்
இருந்து வரவேண்டிய நிலுவைத்தொகை கைக்கு வரும். பணி நிரந்தரம் சம்பந்தமாக சித்திரை
மாதம் முடிவதற்குள் நல்ல செய்தி உண்டு. விருப்ப ஓய்வு பெறலாமா என்ற எண்ணங்கள்
மனதில் தோன்றும். குடும்பத்தினருடன் கலந்து பேசி, யோசித்து முடிவு செய்வது உத்தமம்.
அரசியல்-கலைத்துறை:
சாதக பாதகங்கள்
இருக்கும். கட்சியில் முக்கிய பதவி கிடைக்கும். எதிர் கோஷ்டியினர் வாயடைத்துப் போவார்கள்.
தொகுதி மக்களிடையே செல்வாக்கு அதிகரிக்கும். சனியின் பார்வை காரணமாக தேவை இல்லாமல்
குழப்பம் அடைவீர்கள். உடல் ஆரோக்யத்தில் கவனம் செலுத்துவது நலம் தரும். கூட
இருந்து குழி பறிப்பவர்களை அடையாளம் கண்டு ஒதுங்குவீர்கள். பேச்சில் நிதானம், கண்ணியம்
தேவை. தேவை இல்லாத விமர்சனங்களால் பிரச்னைகள் வரலாம். கலைத்துறையினருக்கு சீரான
முன்னேற்றம் இருக்கும். குருவின் பார்வை காரணமாக எதிர்பாராத வகையில் புகழ்
அடைவீர்கள். சிறிய வேடங்களில் நடித்துக்கொண்டிருப்பவர்களுக்கு முக்கிய
கதாபாத்திரங்களில் நடிப்பதற்கான வாய்ப்புக்கள் கிடைக்கும். இசை, டைரக் ஷன்
துறையில் இருப்பவர்களுக்கு சாதகமான காற்று வீசும்.
தொழில் -
வியாபாரம் - விவசாயம்:
சுயதொழில்
செய்பவர்கள் தொழிலை விரிவுபடுத்துவீர்கள். கூட்டுத்தொழில் செய்பவர்கள் தனியாக
சொந்தமாகத் தொழில் தொடங்குவீர்கள். மொத்தக் கொள்முதல் செய்து இருப்பு வைத்து
வியாபாரம் செய்பவர்களுக்கு திடீர் விலையேற்றம் காரணமாக கணிசமான லாபம் கிடைக்கும்.
குருவின் பார்வை காரணமாக கடையை காலி செய்வது சம்பந்தமான வழக்கில் உங்கள் பக்கம்
வெற்றி கிடைக்கும். மாசி மாதம் சூரியனின் சஞ்சாரம் காரணமாக வங்கியில் இருந்து லோன்
பணம் கைக்கு வரும். எதிர்பார்த்த அரசாங்க காண்ட்ராக்ட் உங்களுக்கு கிடைக்கும்.
புதிய நண்பர்களின் ஆலோசனையை கேட்டுத் தெரியாத தொழிலில் இறங்க வேண்டாம். விவசாயம்
சீராக இருக்கும். தண்ணீர் பிரச்னைகள் தீரும். பூக்கள் விவசாயம் நல்ல பலன் தரும்.
காபி, தேயிலை, மிளகு, ஏலக்காய் போன்ற
வகைகளில் நல்ல லாபம் பார்க்கலாம். லாரி,
டிராக்டர்,
பம்ப்செட் அமைக்க வங்கியில் இருந்து மானியத்துடன்
கூடிய கடன் கிடைக்கும். கரும்பு, வாழை, நெல், மஞ்சள்
விவசாயம் எதிர்பார்த்ததைவிட விளைச்சலும் விலையும் இருக்கும்.
பரிகாரம்:
சங்கடஹர சதுர்த்தி
அன்று விநாயகருக்கு அபிஷேகம் செய்து வழிபடலாம். திருப்பதி செல்லும் வழியில் திரு
காளஹஸ்தி காளத்தீஸ்வரரை தரிசிக்கலாம். ஏழை,
மாணவ,
மாணவியரின் தேவை அறிந்து உதவலாம்.
