புதனின் ஆதிக்கத்தில் பிறந்த மிதுன ராசி அன்பர்களே.
உங்கள்
ராசிக்கு இந்த வருடம் கிரக சஞ்சாரங்கள்,
பார்வை,
சேர்க்கை ஆகியவற்றை பார்க்கும் போது. வளர்பிறை, தேய்பிறை போல்
பலன்கள் கலந்து இருக்கும். குழப்பங்கள்,
அதிருப்திகள் இருந்தாலும் உங்கள் வாழ்க்கையில் பல
முக்கிய திருப்பங்கள் உண்டாகும். ருண,
ரோக,
சத்ருஸ்தான ஆறாம் வீட்டில் கேது சஞ்சரிப்பதால்.
டென்ஷன், சோர்வு, குழப்பம், புலம்பல் என்ற
நிலை மாறி உற்சாகத்துடன் செயல்படுவீர்கள். குடும்ப சொத்து பிரச்னை சம்பந்தமாக
வாரிசுதாரர்களிடையே ஒருமித்த கருத்து உண்டாகும்.
அதனால் மன
நிம்மதியும் மகிழ்ச்சியும் அடைவீர்கள். நீண்ட நாட்களாக வசூல் ஆகாமல் இருந்த பெரிய
தொகை அசல் வட்டியுடன் வசூலாகும்.விரய ஸ்தானத்தில் ராகு இருப்பதால் தொடர்பு
பயணங்கள் இருக்கும். உங்கள் ராசிக்கு விரய ஸ்தானத்தை குரு பார்ப்பதால்
குடும்பத்தில் அடுத்தடுத்து சுப விசேஷங்கள் தொடர்ந்த வண்ணம் இருக்கும். குரு தன
ஸ்தான்தை பார்ப்பதால் வாடகை, வட்டி, குத்தகை
பாக்கிகள் வசூலாகும்.
நான்காம் வீட்டை
குரு பார்ப்பதால் அடுத்தடுத்து தடைகள்,
பிரச்னைகள்,
வாய்தா என்று இழுபறியாக இருந்த வழக்கில்
உங்களுக்கு சாதகமான தீர்ப்பு வரும். சனி அஷ்டம சனியாக குருவுடன் சேர்ந்து ஆட்சிப்
பலம் பெற்று இருப்பதால் எதிலும் நிதானம்,
பொறுமை அவசியம். கால், கை, மூட்டுக்களில்
வலிகள் உண்டாகும். B.P அதிகரிப்பதற்கு
வாய்ப்புள்ளது. நரம்புக் கோளாறுகள்,
சிறுநீரக கல்,
பித்தப்பை கல் பிரச்னைகள், அறுவை
சிகிச்சைகள் வரலாம்.
பெண்கள்:
நிறைகுறைகள், ஏற்ற
இறக்கங்கள், வரவு
செலவுகள் எனக் கலவையான பலன்கள் இருக்கும். கணவர் வகை உறவுகளிடையே இருந்து வந்த
மனக்குறைகள் நீங்கும். ஒருவரை ஒருவர் புரிந்து கொண்டு கூடி மகிழ்வீர்கள். மருமகள்
கர்ப்பம் அடைந்த இனிக்கும் செய்தி வரும். அதனால் மன நிறைவும் மகிழ்ச்சியும்
அடைவீர்கள். அரசு வேலையில் இருப்பவர்களுக்கு ஏப்ரல் மாத வாக்கில் பதவி உயர்வுக்கு
யோகம் உள்ளது. வேலைக்கு செல்லும் இளம் பெண்கள் விரும்பிய இரண்டு சக்கர வண்டி
வாங்கி மகிழ்வார்கள்.
குரு, சனி இருவரின்
அமைப்பு காரணமாக கணவர் வழியில் வர வேண்டிய பூர்வீக சொத்துக்கள் கைக்கு வரும். பணம், நகை, செக்
கொடுக்கல் வாங்கல் விஷயங்களில் கவனம் தேவை. கண்பார்வை கோளாறுகள், கர்ப்பப்பை
பிரச்னைகள் வர அதிக வாய்ப்புள்ளது.
உத்யோகஸ்தர்கள்:
அலுவலக விஷயங்களில்
நிறைகுறைகள் இருக்கும். கேது 6ல்
இருப்பதால் அலுவலக சம்பந்தமான மேல் முறையீட்டு வழக்கில் வெற்றி பெறுவீர்கள்.
அதனால் மன உளைச்சல்
நீங்கி மகிழ்ச்சி அடைவீர்கள். கம்ப்யூட்டர் துறையில் இருப்பவர்களுக்கு வெளிமாநிலம், வெளிநாட்டில்
நல்ல சம்பளம், சலுகைகளுடன்
வேலை கிடைக்கும். குரு, சனி
இருவரின் அமைப்பு காரணமாக வேலையில் கவனம் தேவை. லோன் கேட்டு
விண்ணப்பித்தவர்களுக்கு லோன் பணம் பிப்ரவரி மாதத்திற்குள் கைக்கு வரும். பதவி
உயர்வு, சம்பள
உயர்வுக்கு யோகம் உள்ளது. தனியார் நிறுவனத்தில் வேலை செய்பவர்களுக்கு சிறப்பு
சலுகைகள், வாகன வசதிகள்
கிடைக்கும்.
அரசியல் -
கலைத்துறை:
அரசியலில்
இருப்பவர்கள் நிதானமாக செயல்பட வேண்டிய நேரம். சனி பார்வை காரணமாக சட்டச்
சிக்கல்கள், பிரச்னைகள்
வழக்குகளை சந்திக்க நேரலாம். சூழ்நிலை அறிந்து நடந்து கொள்வது நல்லது. குருவின்
பார்வை காரணமாக தொகுதி மக்களிடையே செல்வாக்கு அதிகரிக்கும். கேது அருள் காரணமாக
மாநில அளவில் முக்கிய பதவி கிடைக்கும். அதனால் பிரபலம் அடைவீர்கள். உட்கட்சி
தேர்தல்களில் உங்கள் கை ஓங்கும். கலைத்துறையினருக்கு நல்ல வாய்ப்புக்கள்
கிடைக்கும். கர்நாடக இசைத்துறையில் இருப்பவர்களுக்கு அயல்நாட்டில் கச்சேரி செய்ய
வாய்ப்புக்கள் கிடைக்கும். தொலைக்காட்சி தொடரில் நல்ல பெயர், புகழ், பணம் வரும்.
துணை நடிகர்கள், ஸ்டண்ட்
கலைஞர்களுக்கு நல்ல வாய்ப்புக்கள் கிடைக்கும்.
தொழில் -
வியாபாரம் - விவசாயம்:
உங்கள் ராசிக்கு 7, 8, 9,10 ஆம்
அதிபதிகளான குருவும், சனியும்
இருவரும் சேர்ந்து அஷ்டம ஸ்தானத்தில் நீச்ச பங்க ராஜயோகத்தை தருவதால் உங்கள்
எண்ணங்கள், முயற்சிகள், திட்டங்கள்
வெற்றியடையும். எல்லாம் கூடி வரும் கால கட்டம் இது. நல்ல வேலைக்காரர்கள்
அமைவார்கள். புதுக் கம்பெனி, பெரிய
நிறுவனங்களின் ஸ்டாக்கிஸ்ட், பங்குவர்த்தகத்தில்
இருப்பவர்களுக்கு எதிர்பாராத அதிர்ஷ்டம் அடிக்கும். இரும்பு, இயந்திரம், எண்ணெய், ஆட்டோ மொபைல், தங்கம், வெள்ளி, பித்தளை
இமிடேஷன் நகைகள் வியாபாரம் லாபகரமாக நடக்கும். விவசாயம் கை கொடுக்கும். மரம்
வெட்டிவிற்கும் தொழிலில் நாலுகாசு பார்க்கலாம். அடமானத்தில் இருக்கும் நிலப்
பத்திரத்தை மீட்பீர்கள். பூக்கள் விவசாயத்தில் இரட்டிப்பு லாபம் வரும். கம்பு, தினை, சாமை போன்ற
சிறு தானியங்கள் பயிரிடுவதன் மூலம் கணிசமான லாபத்தை அள்ளலாம். வாழை இலை, முருங்கைக்
காய், பப்பாளி
வகையில் ஆதாயம் வரும்.
பரிகாரம்:
தேய்பிறை அஷ்டமி
அன்று பைரவருக்கு விபூதிக் காப்பு செய்து வழிபடலாம். சனிக்கிழமை ஆஞ்சநேயரை
தரிசிக்கலாம். வீட்டுமாடியில் பறவைகளுக்கு தண்ணீர், உணவு வைக்கலாம்.
Tags : Tamil new year , Tamil puthandu , methunam , mithunam , mithuna rasi ,
